វឌ្ឍនាកា​ បាន​សម្រេច​ចិត្ត​​វិល​ត្រលប់​មក​រក​ទ្រនំ​ចាស់​ បឹងកេត​ របស់​ខ្លួន​វិញ​

7

ក្លិប​បឹង​កេត​​បាន​ប្រកាស​ជា​ផ្លូវការ​​អំពី​​ការ​វិល​ត្រលប់​​មក​ចុះ​ចូល​​ជា​​ថ្មី​ជាមួយ​ក្លិប​របស់​ពួក​គេ​ពី​សំណាក់​​​​ខ្សែ​ប្រយុទ្ធ​ ចាន់ វឌ្ឍនាកា​ ខណៈ​ដែល​គេ​ជឿ​ថា​ការ​វិល​មក​រក​ទ្រនំ​ចាស់​​របស់​ខ្លួន​នេះ​​គឺ​ព្រោះ​តែ​ខ្សែ​ប្រយុទ្ធ​ឆ្នើម​​នៃ​ក្រុម​ជម្រើសជាតិ​កម្ពុជា​រូប​នេះ​ចរចារ​ជាមួយ​ក្លិប​នៅ​បរទេស​មិន​បាន​សម្រេច​។ វឌ្ឍនាកា​ កាល​ពី​មួយ​រយៈ​​មុន​ត្រូវ​បាន​គេ​ផ្សា​ភ្ជាប់​គាត់​​ជាមួយ​នឹង​ការ​ផ្ទេរ​ទៅ​លេង​ឲ្យ​ក្លិប​សិង្ហបុរី​ Home United ប៉ុន្តែ​គាត់​បាន​បដិសេធ​​ និង​ថា​ពាក្យ​ចរចាម​អារ៉ាម​ទាំង​នោះ​មិន​មែន​ជា​ពិត​ទេ​។ អំឡុង​ពេល​បដិសេធ​​ចំពោះ​ពាក្យ​ចរចាម​អារ៉ាម​នោះ​​​​ កីឡាករ​វ័យ​ ២៤ រូប​នេះ​ក៏​​បាន​បង្ហើប​ផង​ដែរ​​​ថា​ខ្លួន​កំពុង​​ចរចារ​ជាមួយ​ក្លិប​​បរទេស​មួយ​​​​ ប៉ុន្តែ​ទំនង​ជា​ចរចារ​គ្នា​មិន​ត្រូវ​ហើយ​មើល​ទៅ​ ទើប​បាន​​គាត់​​​សម្រេច​ចិត្ត​​ត្រលប់​មក​​ចុះ​ចូល​ជាមួយ​ក្លិប​ចាស់​ បឹង​កេត​ របស់​ខ្លួន​វិញ​។